संघीय सांसदका लागि मकवानपुर निर्वाचन क्षेत्र २ बाट निर्वाचित बर्तौला मकवानपुरको लोथरमा सेनाद्वारा भत्काईएको सुकुम्बासी बस्ती अनुगमनमा पुगेका हुन् । नेकपा एमालेको संसदीय दलको सचेतक समेत रहेका बर्तौला चितवन राष्ट्रिय निकुञ्ज कसरामा बनेको २२ घर टहरामा नेपाली सेनाले डोजर लगाएर भत्काएपछि स्थलगत अनुगमनमा पुगेका हुन ।
घर टहरा आधा रातमा डोजरले भत्काएको प्रति स्थानीयले सांसद बर्तौलासंग दुखेसोको पोखेका थिए । २०४९ सालकी वडा अध्यक्ष सरिता बिकका अनुसार उक्त स्थान २०४० सालमा तत्कालीन सांसद रुपचन्द्र बिष्टको पहलमा बाढीपिडित १४ घरधुरीलाई राखिएको हो । हाल त्यो १४ घरधुरीका मानिसको संङ्ख्या २२ घरमा बसोवास गर्दै आएको थियो । पूर्व वडा अध्यक्ष गोपि मुक्तानका अनुसार उक्त भूमिहिन सुकुम्बासीका नाममा नापी भइ सुकुम्बासी आयोगले कित्ता काट गरिसकेर लालपूर्जा वितरणको तयारी हुँदा काम रोकिएको छ ।
वार्डेन आचार्यले आफूले नियमानुसार टहरा भत्काइ सरकारी जग्गाको संरक्षण गर्न लागिपरेको बताए । आफूले कतै नियम मिचेको भए कारबाहीको प्रक्रिया अगाडि बढाउन समेत वार्डेनले बर्तौलालाई चुनौती दिएका छन् । भूमिहिनसँग सांसद बर्तौलाले आफू सधैं जनताको पक्षमा काम गर्ने र आफूले यो समस्यालाई सदनमा राख्ने र सदनबाटै लड्ने आश्वासन दिएको स्थानीयले बताए ।्
प्रतिक्रिया दिनुहोस्