मकवानपुरका जनप्रतिनीधी आचारसंहिता मिच्दै, निर्वाचन आयोग हेरेको हेर्यै !

मकवानपुरका स्थानीय तह (पालिका) का जनप्रतिनीधहरु निर्वाचन आयोगको आचारसंहितालाई टेर्न छाडेका छन् । उनीहरु खुलेआम निर्वाचन प्रचार प्रसारका कार्यक्रममा भाषण नै गरेर हिँड्न थालेका छन् । मुख्य निर्वाचन अधिकृतको कार्यालय मकवानपुरको वेवास्ताका कारण मकवानपुरका स्थानीय तहका जनप्रतिनिधीहरु निरन्तर रुपमा आफ्ना दलका उम्मेदवारहरुका चुनावी प्रचार प्रसारमा व्यस्त भएका हुन् ।

मकवानपुरका दश वटै स्थानीय तहका जनप्रतिनिधीहरु केही घुमाउरो शैलीमा केही हाकाहाकी आफ्ना दलका चुनावी प्रचार प्रसारको काममा व्यस्त छन् । तरपनि निर्वाचन अधिकृतको कार्यालयले भने यसमा खासै चासो दिएको छैन । दलहरुको चुनावी अभियान सुरु भए लगतै देखि आचार संहिता विपरित चुनावी दौडाहामा आफ्नै पालिका र वडाहरुमा जनप्रतिनिधीहरु लागिपरेका छन् । अझै मकवानपुरका जनप्रतिनिधीहरुले चुनावी प्रचारमा लाग्नेमात्र नभइकन आफ्ना क्षेत्रका दलका चुनावी कार्यक्रम राख्ने, आफै अतिथी हुने, भाषण समेत गर्ने र आफ्ना दलका उम्मेदवारलाई जिताउन आग्रह गरिरहेका छन् । त्यसैगरी मकवानपुरका शिक्षकहरु पनि आफ्ना दलहरुको चुनावी प्रचारको काममा घुमाउरो तरिकाले लागिरहेका छन् ।

चुनावी अभियान सुरु भएदेखि नै जिल्ला समन्वय समिति मकवानपुरका प्रमुख ललित घलान, कैलाश गाउँपालिकाका अध्यक्ष लोकबहादुर मोक्तान, मकवानपुरको मनहरी गाउँपालिकाका अध्यक्ष रंजन कालाखेती, बकैयाँ गाउँपालिकाका अध्यक्ष धर्मराज लामिछाने, बागमती गाउँपालिकाका अध्यक्ष सर्केश घलान लगायतका जनप्रतिनिधीहरु आफ्ना दलका उम्मेदवार र गठवन्धनका उम्मेदवारलाई जिताउनका लागि चुनावी अभियानमा लागेका छन् । त्यसैगरी बिभीन्न राजनीतिक दलका वडा अध्यक्षहरु पनि चुनावी प्रचारमा उत्तिकै लागेका छन् ।

हेर्नुहोस् केही फोटोहरुः