बालिका मृत्यूको छानबिन गर्न काँग्रेस थाहानगरले स्वास्थ्य मन्त्री बस्नेतलाई बुझायो ज्ञापनपत्र

मकवानपुर थाहा नगरपालिका वडा नम्बर १० की बालिकाको उपचारमा लापरबाहीको कारण मृत्यू भएको भन्दै घटनाको छानबिन गर्न नेपाली काँग्रेस थाहानगरले स्वास्थ्य मन्त्रीको ध्यानाकर्षण गराएको छ ।

नेपाली काँग्रेस थाहानगरमा सभापति प्रमोदकृष्ण जोशीको नेतृत्वमा रहेको टोलीले संघीय स्वास्थ्य मन्त्री मोहन बस्नेतलाई ध्यानाकर्षण पत्र बुझाइएको छ । थाहा–१० की ५ वर्षिय रोजिशा गोपालीको कान्ति बालअस्पतालमा समयमै उपचार नपाउँदा मृत्यू भएको थियो । अस्पतालको चरम लापरबाहिले बालिकाको ज्यान गएकोले गोपालीको अकालमै मृत्यु भएको घटनाको उचित छानबिन गरी दोषीलाई कानुन बमोजिम कडा भन्दा कडा कार्बाहिको माग गरिएको छ ।

ज्ञापनपत्र बुझदै मन्त्री बस्नेतले घटनाको छानबिन गर्ने र कारबाही प्रक्रिया अघि बढाउने प्रतिवद्धता व्यक्त गरेका थिए । ज्ञापनपत्र बुझाउन नगर सभापति जोशीको नेतृत्वमा भरत लामा, रामकृष्ण गमाल, विक्रम गोपाली, कुलचन्द्र अर्याल, श्रीकृष्ण केसीलगायतका काँग्रेस नेता तथा कार्यकर्ताहरुको सहभागिता रहेको थियो ।