थाहा महोत्सवः "एकैदिन १० हजार बढिले अवलोकन गरे"

थाहा महोत्सवः “एकैदिन १० हजार बढिले अवलोकन गरे”

मकवानपुर थाहानगरमा सञ्चालन भैरहेको चौथो थाहा महोत्सवको दसौं दिन २३ मंसिरमा १० हजार बढिले अवलोकन गरेका छन । मुल आयोजक थाहा नगर उद्योग वाणिज्य संघका महासचिव जर्म श्रेष्ठले २३ मंसिर एकै दिन १० हजार बढीले अवलोकन गरेको दाबी गरे ।

थाहा नगरपालिकामा जारी कृषि, पर्यटन व्यापार मेल चौथो थाहा महोत्सवमा गायिका रचना रिमालको प्रस्तुतिमा दर्शक झुमेका छन् । २३ मंसिरमा बिदाको दिनको मुख्य आकर्षणका रुपमा उपस्थित रचना रिमालले आफ्ना चर्चित गीतमार्फत दर्शकलाई नचाइन् । उनको प्रस्तुतीमा दर्शकले हुटिङ गर्नुको साथै नाचेर साथ दिए । शनिवार रचना सँगै गायक शिव परियारले पनि दर्शक नचाए परियारलेले चर्चित गित गाएका थिए । महोत्सवमा बद्री पंगेनीको दरबिलो प्रस्तुति राखेका थिए ।

थाहा नगर उद्योग वाणिज्य संघको मुख्य आयोजना तथा थाहा नगरपालिकाको आयोजना र ईन्द्रायणी काला भैरव गुठिको सह आयोजनामा मंसिर २५ गतेसम्म थाहानगरमा बृहत थाहा कृषि, पर्यटन तथा व्यापार साँस्कृतिक महोत्सव भैरहेको छ ।

शनिबार भएकोले स्टेजदेखि स्टल र बाल उद्यानसम्मै दर्शकको भीडभाड देखिएको थियो । महोत्सवमा हरेक दिन राष्ट्रिय कलाकार, स्थानीय र थाहा आइडल एकल नृत्य प्रतियोगिता भैरहेको आयोजकले जनाएको छ ।