थाहा नगरपालिकामा क्रियाशील पालुङ जेसिजको सप्ताहव्यापी कार्यक्रम अन्तर्गत १४ मंसिरमा भएको संघसंस्थाबीचको फुटबल प्रतियोगितामा थाहा नगरपालिका र आयोजक पालुङ जेसिज टिम फाइनलमा प्रवेश गरेको छ ।
थाहानगरको इन्द्रायणी चौर खेल मैदानमा भएको प्रतियोगितामा थाहा नगरपालिकाले नेपाल लेखापढी व्यवसायीलाई २–० गोल अन्तरले पराजित गर्दै फाइनलमा आफ्नो उपस्थिती सुनिश्चित गरेको हो । त्यस्तै आयोजक पालुङ जेसिजले बैंक तथा वित्तीय संस्थाको टिमलाई २–१ गोल अन्तरले पराजित गरी फाइनलमा प्रवेश गरेको कार्यक्रम संयोजक श्रीकृष्ण श्रेष्ठले जानकारी दिए ।
प्रतियोगिताको फाइनल खेल १५ मंसिर विहान ९ बजे हुने संयोजक श्रेष्ठले जानकारी दिएका छन् ।
पालुङ जेसिज टिम
प्रतियोगिताको एक समारोहकाबीच थाहानगर खेलकुद विकास समितिका संयोजक टिकाराम स्याङ्तानले उद्घाटन गरेका थिए । पालुङ जेसिज वर्ष २०२४ का अध्यक्ष निरज रायमाझीको अध्यक्षतमा भएको कार्यक्रममा पालुङ जेसिज वर्ष २०१० का अध्यक्ष सुरेन्द्रमान प्रधान, पालुङ जेसिजका पदाअधिकारीहरु, थाहा नगरपालिकाका जनप्रतिनीधि तथा कर्मचारीहरुलगायतको उपस्थिती रहेको थियो ।
पालिका प्रेस
थप जानकारी
प्रतिक्रिया दिनुहोस्