मकवानपुर ग्रील तथा स्टील व्यवसायी संघ उत्तरी समितिको अध्यक्षमा निरञ्जन श्रेष्ठ चुनिएका छन् ।

१८ असारमा होटल शंकरमा भएको उत्तरी मकवानपुरका ग्रील तथा स्टील व्यवसायीहरुको भेलाले श्रेष्ठलाई अध्यक्षमा चयन गरेको हो । समितिको उपाध्यक्षमा सुवाष गोपाली, सचिवमा मधु विश्वकर्मा, कोषाध्यक्षमा कुमार गोपाली चुनिएका छन् ।

समितिको सदस्यहरुमा कमल सुनार, मङ्गल गोपाली र राजन गोपाली चुनिएका छन् । समितिको सल्लाहकारमा जिल्ला सदस्य विजय श्रेष्ठ चुनिएका छन् ।

निरञ्जन श्रेष्ठको सभापतित्वमा सम्पन्न भेलामा प्रमुख अतिथि थाहा नगरपालिकाका उपमेयर भरत गोपालीले आफ्नो पेसालाई मर्यादित रुपले सञ्चालन गर्न अनुरोध गर्दै सीप विकासका लागि नगरपालिकाले आवश्यक सहयोग गरे बताए ।

कार्यक्रममा महासंघका केन्द्रीय सचिवालय सदस्य प्रकाश पौडेल, संघ मकवानपुरका संस्थापक अध्यक्ष कुमार पौडेल, थाहा नगर उद्योग वाणिज्य संघका महासचिव सुरेन्द्रमान प्रधान, थाहा १ का वडाध्यक्ष हेरमान गोपाली, ५ का वडाध्यक्ष बिष्णु बहादुर गुरुङ लगायतले शुभकामना मन्तव्य व्यक्त गरेका थिए ।

पालिका प्रेस
थप जानकारी