पालुङ प्राथमिक स्वास्थ्य केन्द्रको सेवा स्तारेन्नतीमा संसद बर्तौलाको चासो

मकवानपुर प्रतिनीधिसभा क्षेत्र नम्बर २ का सांसद महेश कुमार बर्तौलाले थाहानगरको पालुङ प्राथमिक स्वास्थ्य केन्द्रको सेवा स्तरोननतकिो विषयमा चासो दिएका छन् । सांसद वर्तौला ८ माघमा स्वास्थ्य केन्द्रमै पुगेर सेवाको विषयमा चासो दिएका हुन् ।

उनले थाहा नगरपालिकाका स्वास्थ्य शाखा प्रमुख मेघराज बलामी, पालुङ प्राथमिक स्वास्थ्य केन्द्र अध्यक्ष नारायण लााम, स्वास्थ्य केन्द्र प्रमुख डा. शक्ति चौरसियालगायतसंग छलफल गरेका हुन् । सो अवसरमा स्वास्थ्य शाखा प्रमुख बलामीले विशेषज्ञ सेवा हालको आवश्यकता रहेको औल्याए । उनले स्वास्थ्य केन्द्रमा एम.डी.जि.पी. डाक्टरको सेवा मात्र शुरु गर्न सकेपछि गर्भवती महिलाहरुको अप्रेसन तथा हड्डीसम्बन्धी समस्यालाई लिएर काठमाण्डौंसम्म पुग्नुपर्ने बाध्यताको अन्त्य हुने बताए । उनले स्वास्थ्य केन्द्रमा दन्त उपचार सेवा प्रवाह गर्न नगसकेको बताउँदै सो सेवाका लागि दक्ष जनशक्ति सहयोग गरिदिन आग्रह गरे । थाहानगरको भौगोलिक अवस्थाको कारण बलामीले पोर्टेबल भिडियो एक्सरे मेशिन पनि अहिलेको आवश्यकता रहेको बताए । कार्यक्रममा शव पोष्टमार्टम गर्न सदरमुकाम हेटौंडा पु¥याउनुपर्ने बाध्यता रहेको विषय समेत उठान भएको थियो ।

कार्यक्रममा स्वास्थ्य केन्द्रको समग्र योजना तयार गर्न आग्रह गर्दै सो योजनामा आफ्नो तर्फबाट सहयोग हुने सांसद बर्तौलाले प्रतिवद्धता व्यक्त गरे । सांसद बर्तौलाले आफू यहि क्षेत्रको प्रतिनीधि भएकोले नागरिकको सेवाका लागि हरदम तयार रहने बताए । कार्यक्रममा नेकपा एमाले थाहानगर कमिटि अध्यक्ष अच्युतम प्रसाद ढकाल, थाहा नगरपालिकाका वडा नम्बर २ का पूर्व अध्यक्ष गुप्त बहादुर कार्की, स्थानीय समाजसेवी विष्णु प्रसाद ढकाल, स्वास्थ्य केन्द्र व्यवस्थापन समितिका सदस्यहरुलगायतकाको उपस्थिती रहेको थियो ।