नेल्टा मकवानपुरले थाहा नगरपालिका अंग्रेजी भाषा शिक्षकहरूको लागि एकदिने प्रश्नपत्र निर्माण कार्यशाला तथा कल्सटर निर्माण कार्यक्रम १३ माघमा गरेको छ । कुन्छालको सुनौलो विकास केन्द्रको सभाहलमा कार्यक्रम भएको हो ।

नेल्टा मकवानपुरका अध्यक्ष संगम चौलागाईंको सभाअध्यक्षतामा भएको कार्यक्रममा अंग्रेजी भाषा विषयका प्रशिक्षक सरोज लामिछाने आधारभूत तथा माध्यमिक विषयका अंग्रेजी विषयको पाठयक्रम तथा, बिशिष्टिरण तालिका अनुरुप विषयगत तथा वस्तुगत प्रश्नपत्र निर्माणको ढाँचा तथा तरिकाका बारेमा छलफल गरिएको थियो । कार्यक्रममा पालिकाका कुल ४९ जना अंग्रेजी भाषा शिक्षकहरूको उपस्थिति रहेको थियो ।

यसैगरी सुनौला माविका शिक्षक सतल उप्रेतीको संयोजकत्वमा सबै वडाको प्रतिनिधित्व हुनेगरी १३ सदस्यीय थाहा कल्सटर पनि गठन गरिएको थियो । कार्यक्रममा मकवानपुरका उपाध्यक्ष उत्तम अर्याल तथा सहसचिव सुरेश रेग्मीको पनि उपस्थिति रहेको थिायो । कार्यक्रममा बोल्दै अध्यक्ष चौलागाईले यस महिनाको अन्त्यसम्ममा सबै पालिकाहरुमा कल्सटर निर्माण गर्ने जानकारी गराए ।

सुनौलो सामुदायिक केन्द्र तथा थाहा नगरपालिकाले सहयोग गरेको कार्यक्रम सुनौलो सिकाइ केन्द्रका अध्यक्ष तथा नेल्टाका सदस्य रूपचन्द्र गोपालीले समन्वय गरेका थिए ।

पालिका प्रेस
थप जानकारी