गृह मन्त्रालयले १० जना सहसचिवको जिम्मेवारी हेरफेर गरेको छ । गृह मन्त्रालयले अध्यागमन विभागको महानिर्देशकमा रुद्रसिंह तामाङलाई पठाएको छ । उनी यसअघि राष्ट्रिय विपद् जोखिम न्यूनीकरण तथा व्यवस्थापन प्राधिकरणमा थिए ।
विपद व्यवस्थापन प्राधिकरणमा जयनारायण आचार्य पुगेका छन् । त्यसैगरी त्रिभुवन विमानस्थल अध्यागमन प्रमुखमा गोगनबहादुर हमाल सरुवा भएका छन् । गृहले चार जना प्रमुख जिल्ला अधिकारीहरु पनि फेरेको छ । रोशनीकुमारी श्रेष्ठलाई भक्तपुरको प्रमुख जिल्ला अधिकारी बनाइएको छ ।
त्यसैगरी रामवन्धु सुवेदीलाई दाङ र शिवराम गेलाललाई महोत्तरीमा प्रमुख जिल्ला अधिकारीका रुपमा सरुवा भएका छन् । सहसचिवहरु दीपककुमार पहाडी, भरतमणि पाण्डे, खगेन्द्रप्रसाद रिजालको गृह मन्त्रालयमा सरुवा भएको छ ।
प्रतिक्रिया दिनुहोस्