इन्द्रसरोवर गाउँपालिकामा राष्ट्रिय बाल दिवसको अवसरमा वक्तृत्वकला र कविता प्रतियोगिता सम्पन्न भएको छ । ‘बालबालिकामा लगानीः सुनिश्चित भविष्यको थालनी’ भन्ने मूल नाराका साथ मनाइएको कार्यक्रम अन्तर्गत भएको माध्यमिक तहस्तरीय वक्तृत्वकलामा सरस्वती बालबोधनीकी समीक्षा खत्री प्रथम भएकी छिन् ।

सोही प्रतियोगितामा वत्सलादेवी माविकी निम्साङ गोले दोस्रो र सरस्वती बालबोधनी मावि मार्खुकी रोशन स्याङ्बो तेस्रो भएकी छिन् ।

त्यसैगरी आधारभूत तहस्तरीय कविता प्रतियोगिता श्री पञ्चकन्या माविकी एलिजा गोले प्रथम भइन् । प्रतियोगितामा श्री कालिका माविकी स्मृती लामा दोस्रो र श्री कालिका माविकी जोसेफ रूम्बा तेस्रो भएका छन् ।

विजयी छात्रछात्राहरुलाई गाउँपालिका अध्यक्ष देवकृष्ण पुडासैनी, उपाध्यक्ष उमा कुमारी लामालगायतका अतिथीहरुले पुरस्कार वितरण गरेका थिए ।

पालिका प्रेस
थप जानकारी