बागमती प्रदेशका २७ विद्यालयमा बस खरिदका लागि अनुदान दिदै

बागमती प्रदेशको सामाजिक विकास मन्त्रालय अन्तरगतको शिक्षा विकास निर्देशनालय हेटौंडाले चालु आर्थिक वर्षमा बागमती प्रदेशका सामुदायिक विद्यालयमा बस खरिसदका लागि अनुदान रकम दिने तयारी गरिएको छ । प्रदेशका २७ वटा सामुदायिक बिद्यालयमा बस खरिदका लागि अनुदान रकम दिने तयारी भएको हो । चालु आर्थिक वर्षको बजेट किताबमा २७ वटा साुमदायिक बिद्यालयलाई बस खरिदका लागि रकम अनुदान दिनेगरी बजेट छुट्याइएको शिक्षा विकास निर्देशनलाय हेटौंडाका निमित्त निर्देशक पूर्ण बहादुर दर्जीले जानकारी दिए ।

प्रदेशका बिभीन्न जिल्लाका माध्यमिक तहका विद्यालयलाई २५ लाख रुपैयाँका दरले रकम दिन लागिएको हो । सामुदायिक विद्यालयमा पनि वस भएका कारण टाढाबाट विद्यार्थीलाई विद्यालयसम्म ल्याउनका लागि सहज हुने भएकाले वस खरिदका लागि वागमती प्रदेश सरकारले प्रत्यक वर्ष अनुदान रकम दिदै आएको छ । वितेको आर्थिक वर्षमा वस खरिदका लागि प्रदेश सरकारले सामुदायिक विद्यालयलाई अनुदान रकम दिने भनेपनि जटिल कार्यविधिका कारण एउटा विद्यालयलाई मात्र वसमा अनुदान रकम दिइएको थियो ।

विद्यालय मर्ज भएका बिद्यालयलाई मात्र बस दिने भन्ने कार्यविधीका कारण धेरै विद्यालय मर्ज हुन नसक्दा बस खरिदका अनुदान दिने धेरै रकम फ्रिज समेत भएको छ ।