मकवानपुरको १० स्थानीय तहमध्ये ३ स्थानीय तहले अझै बजेट आफ्नो सभामा पेश नै नगरेको संघीय मामिला तथा सामान्य प्रशासन मन्त्रालयको तथ्याङ्क रहेको छ । मन्त्रालययको आर्थिक वर्ष २०८१/०८२ को पोर्टलमा बकैया, बागमती र भीमफेदी गाउँपालिकाले सभामा बजेट पेश नै नगरेको देखिएको छ । यो समाचार २४ असार राती ९ः३७ मा तयार गरिएको हो ।

जिल्लाको दश पालिका मध्ये हेटौंडा उपमहानगरपालिकाले २ असारमा पेश गरी ७ असारमा बजेट पास गरेको छ । त्यस्तै थाहा नगरपालिका र इन्द्रसरोवर गाउँपालिकाले ७ असारमा पेश गरेर ७ असारमै बजेट पास गरेको छन् । कैलाश, मकवानपुरगढी र राक्सिराङ गाउँपालिकाले १० असारमा पेश गरेर १० असारमै बजेट पास गरेका छन् भने मनहरी गाउँपालिकाले १० असारमा पेश गरेर २० असारमा पास गरेको पोर्टलमा तथ्याङ्क अद्यावधिक छ ।

स्रोतः संघीय मामिला तथा सामान्य प्रशासन मन्त्रालय 

यसरी अहिलेसम्म बजेट पेश नगर्ने स्थानीय तहको संख्या बागमती प्रदेशमा ११९ मध्ये ४७ वटा रहेका छन् भने देशभर २८६ पालिकाले अझै बजेट पेश गरेका छैनन् । नेपालमा स्थानीय तहको संख्या ७५३ रहेको छ ।

पालिका प्रेस
थप जानकारी