मकवानपुर थाहा नगरपालिकामा रहेको पालुङ बहुउद्देश्यीय सहकारी संस्था लिमिटेडको रजत जयन्तीको अवसरमा दौड प्रतियोगिता हुने भएको छ ।

सहकारीको आयोजनामा १५ मंसिर विहान ७ बजे प्रतियोगिता हुन लागेको हो । प्रतियोगिता अन्तर्गत ५ हजार मिटर खुल्ला पुरुष दौड र ३ हजार मिटर खुल्ला महिला दौड प्रतियोगिता हुने खेलकुद संयोजक यादवजंग रायमाझीले जानकारी दिए ।

प्रतियोगितामा बहालवाला नेपाल प्रहरी र नेपाली सेना बाहेकले नाम दर्ता गराउन सक्ने संयोजक रायमाझीको भनाइ छ । १४ मंसिर बेलुकी ४ बजेसम्म नाम दर्ता गर्ने समयावधि सहकारीद्वारा प्रकाशित सूचनामा तोकिएको छ ।

प्रतियोगितामा प्रथम हुनेले नगद १० हजार दोस्रोले ७ हजार र तेस्रोले नगद ५ हजार प्राप्त गर्ने छन।

सूचनाः

पालिका प्रेस
थप जानकारी