जिल्ला समन्वय समिति (जिसस) मकवानपुरका प्रमुख रघुनाथ खुलालले बितेको पाँच वर्षमा स्थानीय तहहरुले थुप्रै उपलब्धी हासिल गरेको बताउनुभएको छ । बुधबार जिल्लाको ईन्द्ररोवर गाउँपालिकाको अनुगमनका क्रममा उहाँले स्थानीय तहमा जनप्रतिनिधि आएपछि आर्थिक, भौतिक, सामाजिक, सँस्कृतिक लगायत सबै क्षेत्रको उल्लेख्य विकास भएको बताउनुभयो ।
जिसस प्रमुख खुलालको नेतृत्वमा भएको अनुगमनका क्रममा गाउँपालिकाको चालु आर्थिक वर्षको योजना, आर्थिक, सामाजिक, पुर्वाधारलगायतको प्रगति, सुशासनको अवस्था, समन्वय तथा सजजिकरणलगायत क्षेत्रमा भए÷गरेका कार्यहरुको बारेमा जानकारी लिईएको थियो । अनुगमन टोलीलाई गाउँपालिका अध्यक्ष जिवन लामा, उपाध्यक्ष उमाकुमारी लामा, प्रमुख प्रशासकिय अधिकृत बलराम लम्साल लगायतले चालु आर्थिक वर्षमा गाउँपालिकाको प्रगतिका बारेमा जानकारी गराउनुभएको थियो ।
सो क्रममा गाउँपालिकामा कुल २६३ वटा योजनाहरु मध्ये हालसम्म करीब करीब सबै सम्झौता भईसकेको साथै करीब ५० प्रतिशत योजना सम्पन्न नै भईसकेको जनाईएको छ । यस्तै चालु आर्थिक वर्षमा करीब ४० प्रतिशत बजेट खर्च भईसकेको समेत बताईएको छ । चालु आर्थिक वर्षमा समयमै कार्यक्रमहरु सम्पन्न हुने प्रमुख प्रशासकिय अधिकृत लम्सालले बताउनुभयो । अनुगमन टोलीमा जिसस उपप्रमुख भगवती पुडासैनी, समन्वय अधिकारी आनन्दराज पोखरेल, नायब सुब्बा उपेन्द्रनाथ पोखरेल, वडा अध्यक्षहरु चिरन्जीवी पौडेल, राजुमान महर्जनलगायतको सहभागिता थियो ।
प्रतिक्रिया दिनुहोस्