मकवानपुर थाहा नगरपालिकाको आयोजनामा पालिका अन्तर्गतका कर्मचारीहरुलाई एकदिने क्षमता अभिवृद्धि तालिम भएको छ । पालिकाले आन्तरिक नियन्त्रणलाई व्यवस्थित बनाउने उद्देश्यले संचालनमा ल्याउन लागेको प्रणाली र त्यसंग सम्बन्धीत अन्य प्राविधिक ज्ञानको विषयमा तालिम दिएको हो ।
थाहानगरको नयाँगाउँमा रहेको साहारा रिसोर्टमा भएको तालिममा थाहा नगरपालिकाका विभिन्न महाशाखा, शाखाका प्रमुख र वडा सचिवहरुको सहभागिता रहेको थियो । तालिमका सहभागीहरूलाई थाहा नगरपालिकाका प्रशासन महाशाखा प्रमुख अजित घिमिरे, सूचना प्रविधि शाखा प्रमुख भगिरथ कार्की, सूचना शाखा प्रमुख सुरजकुमार भुजेलले सहजीकरण गरेका थिए । सहभागीहरुले प्रणाली लगायत कार्यालयको सेवा प्रवाहलाई चुस्तदुरुस्त बनाउन गर्नुपर्ने नयाँ सोचहरुको विषयमा समेत छलफल गरेका थिए ।
सभाध्यक्ष समेत रहेका मल्ले तालिमले कर्मचारीको लागि उत्साह थपेको बताए । उनले कर्मचारीहरूबीच यस्तो कार्यक्रम संचालन गर्दा एक आपसमा सिक्ने र सिकाउने बानीको विकास भई सेवा प्रवाहलाई प्रभावकारी हुने बताए ।
प्रतिक्रिया दिनुहोस्