मकवानपुरको इन्द्रसरोवर गाउँपालिका वडा नम्बर १ मा रहेको श्री गणेश कृषक समूहले विभिन्न कृषि औजार तथा सामाग्री वितरण गरिएको छ । इन्द्रसरोवर गाउँपालिका कृषि विकास शाखाको प्रधानमन्त्री कृषि आधुनिकीकरण परियोजना कार्यान्वयन म्यनुवल अनुसार ५० प्रतिशत अनुदानमा समूहले सामाग्रीहरु वितरण गरिएको हो ।
इन्द्रसरोवर गाउँपालिका अध्यक्ष देवकृष्ण पुडासैनीको प्रमुख आतिथ्यमा सिम्लाङमा एक कार्यक्रमकाबीच कृषक तथा कृषि समूहहरुलाई मिनी टिलर, डिजिटल काँटा, इलेक्ट्रिक स्प्रे पम्प, हिल टेक ट्याङ्की, टनेल प्लाष्टिक, विउविजनहरु, सुक्ष्म तत्व भिटामिनलगायतका सामाग्रीहरु वितरण गरिएको हो । किसानहरुलाई दोस्रो चरणमा इन्सेक्ट नेट, मल्चिङ प्लाष्टिक, थोपा सिंचाइ पाइपलगायतका सामाग्री वितरण गरिने श्री गणेश कृषक समूहले जनाएको छ ।
श्री गणेश कृषक समूहकी अध्यक्ष चिनी कुमारी थापा मगरको सभाध्यक्षतामा भएको कार्यक्रममा इन्द्रसरोवर गाउँपालिका उपाध्यक्ष उमा कुमारी लामाको विशेष आतिथ्यता रहेको थियो । कार्यक्रममा वडा नम्बर १ का वडा अध्यक्ष सुवास थापा मगर, ३ नम्बर वडाका निवर्तमान वडा अध्यक्ष चिरञ्जीवि पौडेल, वडा सचिव सुरेश प्रसाद कोइराला, कृषि शाखा प्रमुख कुमार पौडेल, कृषि प्राविधिक सृष्टि सिग्देल, अगुवा कृषक झमकलाल बलामीलगायतकाको आतिथ्यता रहेको थियो ।
प्रतिक्रिया दिनुहोस्