ग्रामीण पर्यटनको अध्यक्षमा पुनः बर्तौला निर्वाचित

ग्रामीण पर्यटन व्यावसायिक सहकारी संस्थाको १४ औं वार्षिक साधारणसभाबाट अध्यक्षमा पुनः शिवहरी बर्तौला निर्विरोध निर्वाचित भएका छन। बर्तौलासंगै साधारणसभाले सम्पुर्ण कार्यसमिति निर्विरोध निर्वाचित गरेको हो ।

साधारणसभाको बन्द सत्रबाट उपाध्यक्षमा गणेश लामा, सचिब प्रदिप केसी, कोषाध्यक्ष दिपा थापा र सदस्यहरू संजिता भण्डारी, युगल ढकाल र राजेश थापा क्षेत्री निर्विरोध निर्वाचित भएको निर्वाचन अधिकृत निरन्जन अधिकारीले जानकारी दिए । निर्वाचन अधिकृत अधिकारीका अनुसार ऋण समिती संयोजकमा अच्युत केसी, सदस्यहरू नारायण लामा र अप्सरा केसी निर्विरोध हुँदा लेखा समिती संयोजकमा राजाराम रायमाझी र सदस्यहरुमा मोहनसिंह लामा र माधव केसी निर्वाचित भएका छन।

नव निर्वाचित समितिलाई निर्वाचन अधिकृत निरन्जन अधिकारी र इन्द्रध्वज अधिकारीले पद तथा गोपनियताको सपथ गराएका छन् ।