प्यूठानको ऐरावती गाउँपालिकाका एक दम्पतीले दुई वर्षदेखि दुई ठाउँबाट सामाजिक सुरक्षा भत्ता बुझ्दै आएको पाइएको छ । यहाँका पन्नालाल सुनार र बच्चीदेवी सुनार दम्पतीले २०७६ देखि मल्लरानी गाउँपालिका र ऐरावती गाउँपालिकाबाट सामाजिक सुरक्षा भत्ता बुझ्दै आएको खुलेको हो ।
मल्लरानी गाउँपालिका–५ खैरामा बसोबास रहेको भन्दै मल्लरानीबाट र ऐरावती–४ धुवाङमा बसोबास रहेको भन्दै ऐरावतीबाट सामाजिक सुरक्षा भत्ता लिँदै आएका हुन् । दोहोरो सुविधा लिने सुनार दम्पती ऐरावती गाउँपालिकाका न्यायिक समिति सदस्य अर्जुन सुनारका बुबा–आमा हुन् । २०५५ भदौ ५ मा सुनार दम्पती साबिकको खैराबाट बसाइँ सरी धुवाङ गएका थिए । तर, बसाइँसराइको लगत कट्टा नगर्दा सुनार दम्पतीले दुई गाउँपालिकामा फरक–फरक सूचना दिएर सामाजिक सुरक्षा भत्ताका लागि नाम दर्ता गराएका थिए ।
मल्लरानीबाट सुनार दम्पतीले २०७६ बाटै नियमित सामाजिक सुरक्षा भत्ता बुझ्दै आएको गाउँपालिका एमआईएस अपरेटर लक्ष्मी पोख्रेलले जानकारी दिइन् । साबिकको खैरा गाविसमा वर्षौंपहिले आगलागी भएको थियो । उनका अनुसार आगलागीमा कागजात केही जलेका थिए । ‘त्यसैमा परेको भए थाहा भएन, नत्र भेटिएन,’ उनले भनिन् ।
पालिका प्रेस
थप जानकारी
प्रतिक्रिया दिनुहोस्