विपी जयन्तीको अवसरमा थाहानगरमा वक्तृत्वकला प्रतियोगिता, नाट्यश्वरकी आकृतिलाई उपाधि

१११औं विपी जयन्तीको अवसरमा नेपाली काँग्रेस थाहानगर समितीले आयोजना गरेको वक्तृत्वकला प्रतियोगितामा नाट्यश्वर माध्यमिक विद्यालय थाहा १० की आकृती केसी प्रथम भएकी छिन् । प्रतियोगितामा नाट्यश्वरकै सन्जु बस्नेत द्वितीय र बज्रबाराही माध्यामिक विद्यालयकी रमिता वाइवा तृतीय भइन् ।

“लोकतान्त्रिक चरित्र मजबुतीको लागि युवाहरुको भुमिका’ विषयक प्रतियोगिता नगरस्तरीय अन्तर दशजोड दुई विद्यालयबीच प्रतिस्पर्धा भएको थियो । प्रतियोगिताको निर्णायकहरुमा रामहरी अधिकारी र कुमार नेगीले रहेका थिए । प्रतियोगितामा थाहानगरका ६ वटा दशजोड दुई विद्यालयका ७ विद्यार्थीले सहभागिता जनाएका थिए । कार्यक्रम थाहा-४ स्थित फ्यामिली व्यान्क्वेटमा भएको थियो ।

प्रथम स्थान हासिल गर्ने प्रतियोगिलाई नगद ७ हजारसहित प्रमाणपत्र, द्वितीयले नगद ५ हजारसहित प्रमाणपत्र तथा तृतीय स्थान हासिल गर्ने प्रतियोगिलाई नगद ३ हजारसहित प्रमाणपत्र पुरस्कार वितरण गरिएको थियो । कार्यक्रमका प्रतियोगीहरुलाई बिपि कोइरालाद्वारा लिखित कृति “जेल जर्नल“ मायाको चिनो स्वरुप प्रदान गरिएको थियो।

कार्यक्रम नेपाल सरकारका पूर्व गृह राज्यमन्त्री, नेपाली काँग्रेस बागमती प्रदेश सभापति तथा मकवानपुर जिल्ला प्रदेश सभा २ (ख) का सांसद इन्द्रबहादुर बानियाँको प्रमुख आतिथ्यतामा भएको थियो । नेपाली काँग्रेस थाहानगर सभापति प्रमोदकृष्ण जोशीको सभाध्यक्षतामा भएको कार्यक्रम थाहा ४ का नेपाली काँग्रेस सभापति श्रीकृष्ण केसीले सञ्चालन गरेका थिए ।

नेपाली राजनिती तथा साहित्यका अग्रणी ब्यक्तित्व विश्वेश्वर प्रसाद कोइरालको जन्म बि.स. १९७१ भदौ २४ गते भएको थियो । उनको जन्म जयन्तीको अवसरमा नेपाली काँग्रेस थाहानगर समितिले कार्यक्रमको आयोजना गरेको कार्यक्रम संयोजक श्रीकृष्ण केसीले जानकारी दिए ।