थाहानगरको प्रशिद्ध धार्मिक स्थल त्रिवेणी शंङ्खमूलमा श्री श्री १००८ स्वामी चतुभुजाचार्य चूडामणि जी महाराज शान्तिधाम मठाधिस आउने भएका छन् । थाहा नगरपालिकाको अगुवाइमा हुने शंङ्खमूल संरक्षण कार्यक्रम अन्तर्गत मठाधिस १ असोजमा शंङ्खमूल आउन लागेका हुन् ।

थाहा नगरपालिका वडा नम्बर ३ स्थित पौराणिक ऐतिहासिक शंङ्खमूलको शास्त्रीय प्रमाणका आधारमा संरक्षण तथा विकास गर्ने उद्देश्यकासाथ आयोजित कार्यक्रम १ असोज विहान ७ बजे हुने थाहा नगरपालिकाका नगर उपप्रमुख भरत गोपालीले जानकारी दिए । कार्यक्रममा सहभागी हुन उपप्रमुख गोपालीले सबैलाई अनुरोध गरेका छन् । सो अवसरमा मठाधिसबाट यहाँको महत्व, शास्त्रीय प्रमाणहरु प्रस्तुत गर्ने कार्यक्रम रहेको र स्थानीयहरु संग छलफल समेत कार्यक्रम रहेको गोपालीको भनाइ छ ।

विश्वका तीन शंङ्खमूल मध्येको एक रहेको धार्मिक ग्रन्थमा उल्लेख भएकोले यस शंङ्खमूलको थप महत्व रहेको धार्मिक क्षेत्रका जानकारहरु बताउँछन् ।

पालिका प्रेस
थप जानकारी