सांकेतिक फोटो

मकवानपुरमा एक किशोरको भीरबाट लडेर मृत्यु भएको छ । दुर्गम गाउँ कैलाश गाउँपालिका-२ छाङदुङका १७ वर्षीय पावल चेपाङको मनहरी गाउँपालिका-७ प्यान्चेभीरबाट लडेर मृत्यु भएको हो ।

चेपाङ मनहरीको प्यान्चे भीर हुँदै घरतर्फ जाने क्रममा आइतबार बेलुका भीरबाट मनहरी खोलामा खसेर घाइते भएका थिए ।

उनी भीरबाट ५० मिटर तल खसेका थिए । घाइते किशोरलाई उपचारका निम्ति नयाँ मेडिकल कलेज भरतपुर लगिएको थियो ।

सोमबार अपरान्ह उपचारकै क्रममा उनको मृत्यु भएको जिल्ला प्रहरी कार्यालय मकवानपुरले जनाएको छ ।

पालिका प्रेस
थप जानकारी