थाहा नगरपालिका वडा नम्बर २ स्थित मत्स्यनारायण माविका दुई शिक्षक सेवा निवृत्त भएका छन् । विद्यालयका प्राथमिक तहका शिक्षक विणुहरि ढकाल र कृष्णमान श्रेष्ठ सेवा निवृत्त भएका हुन् । दुवै शिक्षकलाई विद्यालयमा १४ मंसिरमा एक कायक्रमको आयोजना गरी विदाइ गरिएको छ ।

सेवा निवृत्त भएका शिक्षक ढकाल वि.सं. २०५१ सालदेखि र श्रेष्ठ २०६१ सालबाट शिक्षण पेशामा स्थायी नियुक्तिसहित सेवारत रहेको प्रधानाध्यापक श्याम तामाङले जानकारी दिए । शिक्षकद्वयलाई विद्यालय व्यवस्थापन समिति अध्यक्ष युवाराज विष्टको विशेष उपस्थितीमा शैक्षिक योगदानको प्रशंसासहित विदाइ गरिएको हो ।

 

सो कार्यक्रममा विद्यालय व्यवस्थापन समितिका पदाअधिकारीहरु, शिक्षकहरु तथा विद्यार्थीहरुको उल्लेख्य सहभागिता रहेको थियो ।

पालिका प्रेस
थप जानकारी