जनक माविलाई जिल्लास्तरीय रनिङ शिल्ड शिक्षक भलिबल प्रतियोगिताको उपाधी

नेपाल रेडक्रस सोसाइटी जिल्ला शाखा मकवानपुरको आयोजनामा भएको जिल्लास्तरीय रनिङ शिल्ड शिक्षक भलिबल प्रतियोगिताको उपाधी जनक मावि भिरकोटले जितेको छ ।

थाहा नगरपालिकाको नाटेश्वर मावि टौखेलमा भएको फाइनल खेलमा जिएस निकेतन विद्यालयलाई २५–१४,२५–१९, १८–२५ र २५–१५ को सेटले पराजित गर्दै जनकले उपाधी चुमेको हो । प्रतियोगिताको उपाधि विजेता टिमले २५ हजार रुपैयाँ, उपविजेता टिमले १५ हजार रुपैयाँसहित शिल्ड, मेडल र प्रमाणपत्र प्राप्त गरे ।

मकवानपुर प्रतिनिधिसभा सदस्य तथा नेकपा एमाले बागमती प्रदेशका सचेतक महेश बर्तौलाले विजेता टिमलाई पुरस्कार प्रदान गरेका थिए । प्रतियोगितामा जनता मावि फापरबारी र नाटेश्वर माबी चित्लाङ सान्त्वना हुन सफल भए ।
मकवानपुर जिल्लाका सामूदायिक तथा संस्थागत गरी २० वटा विद्यालयको सहभागिता रहेको प्रतियोगितामा ४ माघबाट शुरु भएको थियो ।