मकवानपुर थाहा नगरपालिकामा १७ मंसिरमा ३३ औं अन्तराष्ट्रिय अपाङ्गता दिवस अभिमुखीकरण कार्यक्रमसहित मनायएको छ । शिखरकोटको विकास घरमा भएको कार्यक्रममा अपाङ्गता भएका व्यक्तिहरुको हक, अधिकार, आत्मबल तथा लक्ष्य निर्माण सम्बन्धि अभिमुखिकरण गरिएको हो ।
महिला, बालबालिका, जेष्ठ नागरिक तथा अपाङ्गता परिचयपत्र वितरण शाखा थाहा नगरपालिकाको आर्थिक सहयोगमा नगर अपाङ्ग सरोकार समन्वय समितिको आयोजनामा अभिमुखीहरण कार्यक्रम सञ्चालन गरिएको हो । थाहा नगरपालिकाका प्रमुख प्रशासकिय अधिकृत कृष्ण गिरीको प्रमुख आतिथ्यतामा भएको अभिमुखीकरण कार्यक्रमका सहभागीहरुलाई जिल्ला अपाङ सरोकार समिति मकवानपुरका अध्यक्ष गणेश चन्द्र दवाडीले सहजीकरण गरेका थिए ।
प्रत्येक वर्षको डिसेम्बर ३ मा मनाइने अन्तर्राष्ट्रिय अपाङ्गता दिवसको यसवर्षको नारा–‘समावेशी र दिगो भविष्यका लागि अपाङ्गता भएका व्यक्तिहरूको नेतृत्वलाई प्रवद्र्धन गरौँ ।’ भन्ने रहेको थियो । यस वर्ष मनाइएको दिवस ३३औं हो ।
थाहानगर अपाङ्ग सरोकार समितिका अध्यक्ष मनलाल गोपालीको सभाध्यक्षतााम भएको कार्यक्रमको अवसरमा न्यानो कपडा समेत वितरण गरिएको थियो ।
सो अवसरमा कार्यक्रमका प्रमुख अतिथी तथा प्रमुख प्रशासकीय अधिकृत कृष्ण गिरीले संविधान तथा कानूनले स्थानीय तहलाई दिएको अधिकारलाई कार्यान्वयन गर्दै जाने बताए । नेपालको संविधानको अनुसूची ८ को १६ मा स्थानीय तहको अधिकार अन्तर्गत अपाङ्गता भएका व्यक्ति र अशक्तहरूको व्यवस्थापनका सम्बन्धमा समेत उल्लेख गरिएको उल्लेख गरे । प्रमुख प्रशासकीय अधिकृत गिरीले नगर भित्र रहेका अपाङ्गता भएकाहरुको पहिचान गरी स्वास्थ्य केन्द्रको सिफारिस अनुसार परिचय पत्रको व्यवस्था गरी उनीहरुलाई नियमानुसार भत्ता तथा सिपमुलक तालिमहरु दिइरहेको बताए । उनले अपाङ्गता भएका व्यक्तिलाई हेर्ने समाज एवं राज्यको दृष्टिकोण परिवर्तन हुनु आवश्यक रहेको उल्लेख गरे ।
कार्यक्रममा थाहा नगरपालिकाका सामाजिक बिकास शाखा प्रमुख अनिल लामिछाने, महिला बालबालिका जेष्ठ नागरिक तथा अपाङ्गता परिचयपत्र वितरण शाखाका प्रमुख प्रतिमा मोक्तान लगायतका उपस्थिति रहेको थियो।
पालिका प्रेस
थप जानकारी
प्रतिक्रिया दिनुहोस्